ཞི་བདེ་
ང་ཚོའི་སྐོར།
སེམས་ཀྱི་ཞི་བདེ་ཚོགས་པའི་ངོ་སྤྲོད་མདོར་བསྡུས།
༄༅། །སེམས་ཀྱི་ཞི་བདེ་ཚོགས་པ་ནི་ ༢༠༢༢ ཟླ་ ༡༢ ཚེས་ ༡༠ ཉིན་མགོ་འཛུག་ཞུས་པ་ཞིག་ཡིན། དེ་ཡང་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་དེ་མི་ལོ་ཧྲིལ་པོ་ ༣༣ འཁོར་བའི་དུས་ཆེན་དང་སྟབས་བསྟུན་གསར་འཛུགས་ཞུས་པའི་ཞི་བདེ་གོང་འཕེལ་གཏོང་བའི་ཁེ་མེད་ཚོགས་པ་ཞིག་ཡིན།
ཚོགས་པའི་དམིགས་ཡུལ།
ཆོས་དད་ཡོད་མེད་ལ་མ་ལྟོས་པར་སེམས་ཀྱི་ཞི་བདེ་དང་བསམ་བློའི་ཀུན་སྤྱོད་གོང་འཕེལ་གཏོང་རྒྱུ་དང་། ཞི་བདེ་དང་བདེ་སྐྱིད་གོང་འཕེལ་སླད་ནང་པའི་སེམས་ཁམས་རིག་པ་དང་ལྟ་གྲུབ་ཁག་ལ་རྒྱུས་ལོན་གཏིང་ཟབ་ཐོག་ནས་ཐབས་ལམ་ཁག་བཀོལ་སྤྱོད་གནད་སྨིན་བྱ་རྒྱུ་དང་། སེམས་ཁམས་ཞི་ལྷོད་དང་སྐྱིད་པོའི་ཐོག་ནས་དོན་སྙིང་ལྡན་པའི་མི་ཚེ་སྐྱེལ་རྒྱུ་བཅས་ཡིན།
དམིགས་ཡུལ་དེ་དག་མངོན་འགྱུར་ཡོང་ཐབས་གཙོ་བོ་གསུམ་ནི།
༡༽ མི་སོ་སོའི་འདོད་མོས་དང་མཐུན་པའི་སེམས་ཀྱི་ཞི་བདེ་འཚོལ་ཐབས་ཀྱི་སློབ་ཁྲིད་སྣ་མང་བྱ་རྒྱུ།
༢༽ ནང་བསྟན་ཆུ་ཚད་མཐོ་བའི་དགེ་བཤེས་རྣམ་པས་མི་རིགས་འདྲ་མིན་ལ་རིགས་ལམ་དང། བོད་ཀྱི་སྐད་ཡིག་སློབ་ཁྲིད་བྱ་རྒྱུ།
༣༽ སྐད་ཡིག་སྣ་མང་མཁྱེན་པའི་དགེ་བཤེས་གསོ་སྐྱོང་ཆེད། དགེ་བཤེས་རྣམས་ལ་དབྱིན་ཡིག་སོགས་བསླབ་རྒྱུ།
ནང་པའི་ལྟ་གྲུབ་དང་སེམས་ཁམས་རིག་པའི་སྐོར་དགེ་བཤེས་རྣམ་པས་དངོས་སུ་འདུ་འཛོམས་དང་དྲ་ཐོག་སློབ་ཁྲིད་སོགས་སྟབས་གང་བདེའི་ཐོག་གནང་རྒྱུ།
འཛིན་གྲྭ་སྣ་མང།
ཆོས་ཀྱི་འཛིན་གྲྭ།
སློབ་ཕྲུག་གིས་རེ་སྐུལ་གཞིར་བཟུང་སེམས་ཁམས་རིག་པ་ལྟ་གྲུབ་དང་འབྲེལ་བའི་བསླབ་གཞི་ལས་སེམས་ཀྱི་ཞི་བདེ་དང་བདེ་སྐྱིད་འཚོལ་ཐབས་དང་རྣམ་དཔྱོད་ཀྱི་བློོ་མིག་ཡར་རྒྱས་གཏོང་ཐབས་དང། ཐབས་ལམ་དེ་དག་གིས་མི་རྣམས་བརྩོན་སེམས་ཆེ་བ་དང་། ཞི་ཞིང་དུལ་བ། སེམས་ཀྱི་ཞི་བདེ། ཆོག་ཤེས། མི་ཚེ་དོན་དང་ལྡན་པ་བཅས་འོང་བ་ལ་ཕན་ཐོགས་རླབས་ཆེན་བསྒྲུབ་ཐུབ།
ཉིན་རེའི་འཛིན་གྲྭ་ཁག་ལ་ཁྱེད་ཀྱིས་འདི་ནས་རྒྱུས་ལོན་གནང་ནའང་ཆོག ཡང་ན་ཁྱེད་ཀྱི་ཐུགས་འདོད་ལྟར་ལས་འཆར་གཞན་དག་ཡོད་ཚེ་ང་ཚོར་འབྲེལ་བ་གནང་ནའང་ཆོག །
རིགས་ལམ་དང་བོད་ཀྱི་སྐད་ཡིག་འཛིན་གྲྭ །
སློབ་ཕྲུག་ཚོས་རིགས་ལམ་དང་བོད་ཀྱི་སྐད་ཡིག་སོགས་ཡར་རྒྱས་ཡོང་ཆེད་སློབ་ཕྲུག་མི་རེ་ངོ་རེའི་གནས་ཚད་དང་དགོས་མཁོ་དང་འཚམ་པའི་དྲྭ་ཐོག་གི་འཛིན་གྲྭའམ་འཛིན་ཁང་ནང་དངོས་སུ་སློབ་ཁྲིད་གོ་སྒྲིག་ཞུས་ཡོད།
འཛིན་གྲྭའི་སྐོར་ཞིབ་ཚགས་ཤེས་འདོད་ཡོད་ཚེ་ང་ཚོར་འབྲེལ་བ་གནང་རོགས།
སྐད་ཡིག་གཞན་གྱི་ཤེས་ཚད་གོང་མཐོར་གཏོང་ཆེད་དགེ་བཤེས་རྣམས་ཀྱི་སྐད་ཡིག་འཛིན་གྲྭ །
ཕྱི་རྒྱལ་སློབ་ཕྲུག་ཚོ་དང་ཕན་ཚུན་མཉམ་འབྲེལ་ཐོག་ནང་ཆོས་དང་སྐད་ཡིག་ཡར་རྒྱས་ཆེད་དགེ་བཤེས་རྣམས་ཀྱིས་དབྱིན་ཇི་དང་རྒྱ་སྐད་སོགས་སྐད་རིགས་སྣ་ཚོགས་ཤིག་སློབ་གཉེར་གནང་བཞིན་ཡོད།
དགེ་བཤེས་རྣམས་ཀྱིས་སྐད་རིགས་སྣ་ཚོགས་སློབ་གཉེར་གནང་བའི་བརྒྱུད་རིམ་ཁྲོད་ཁྱེད་ཀྱིས་ཁོང་རྣམས་ལ་ཕྱག་རོགས་གནང་འདོད་ཡོད་ཚེ། ང་ཚོར་སྐད་འཕྲིན་ (whatsapp) ནམ་གློག་འཕྲིན་(e-mail) ཐོག་ནས་འབྲེལ་བ་གནང་ན་འཐུས།
New Class!
ལམ་སྟོན།
ཁ་བྱང་། H.No. 1080 BAGHSU ROAD MITHA NALA Mcleodganj Dharamshala, Himachal Pradesh, Índia 176219
Shide is located on Temple road near Hotel King Castle. From Jogiwara, head uphill toward the Kora and the temple. You'll see it on your right well before you come to the big turn by the Kora entrance and the Hindu temple.
Look for the stairs with red columns. Once you go up the stairs, you'll see a big open courtyard on your right. Enter the courtyard and the entrance to Shide is there. The classroom is on the first floor on the right hand side as you enter.
